« A Ricuccata », urganizadore di Canti di quì
A parolla “ricuccata” sò l’urnamenti di a voce chì ghjocanu nant’à intervalli musicali numerosi, diversi è avvicinati. Ogni canterinu hà e so “ricuccate”, è porghje cusì à u cantu a so interpretazione specifica.
U gruppu
5 canterini chì sprimenu, grazia à a pulifunia, ciò ch’elli sò : corsi cù l’anima insurpata di e tradizioni di l’antichi è d’una storia liata stretta stretta à quella di tutta a conca mediterrania. Per mezu di a polifunia, cunnoscenu u mondu è cantanu in u so ripertoriu arie d’altre culture intese in tempu di viaghji è di scontri. Difatti, canti di Sardegna, d’Italia, di Geurgia è di u Paese Bascu si facenu sente accant’à e polifunie corse mettendu cusì in risaltu e so sfarenze quant’è e so urigine cumune. Ancu s’elli anu tutti un mistieru à tempu pienu, i membri di a furmazione A Ricuccata s’impegnanu quasi ogni ghjornu in a vita culturale corsa interpretendu a messa tradiziunale (matrimonii, messa di Natale, cumunioni, interri…) o sustenendu spettaculi urganizati à prò d’opere caritative o d’associ chì si danu di manu pè u patrimoniu culturale.
Canti di quì, catedrale di Cervioni, ogni sera à parte da 9 ore è mezu
Venneri u 16 di lugliu
A Ricuccata
E Farfalle
Jacky Micaelli & U Punticellu
Sabbatu u 17 di lugliu
Francine Massiani
Madrigale
Charles & Claude (animazione piazza à a catedrale à parte da 11 ore di sera)
Dumenica u 18 di lugliu
A Cunfraterna di a Serra
Chjami Aghjalesi
Rinsignamenti : Voce Nustrale : 04 95 38 12 83
Prezzu d’entrata pè ogni serata : 20 €
Prezzu pè i zitelli (-10 anni) : 10 €
Cù u Pass Canti di quì, u prezzu pè e trè serate hè di 50 €.
I biglietti si vendenu à l’uffiziu di turismu di Costa Verde in Moriani, o sopr’à locu.
Staziu di cantu durante i trè ghjorni : 90 €
Rinsignamenti in più : 04 95 38 19 37